كرسى الأعتراف (تفضلوا)

يلا شباب أنا جاهز وموجود عطول
بس سامي مشان قفل هالموضوع أنا عندي رأي
يعني أنا بحس إنو هيك موضوع .. ممكن يكون موضوع دائم
يعني ما في داعي ينقفل .. لإنو مانو بس للمناقشة وخلص
لا أنا شايفو موضوع متجدد وهوة أقوى موضوع انوجد بالمنتدى
وبظن غيابو كتير ممكن أثر عالمشاركات
بس المفروض يتنظم الموضوع
ولازم الكل يشاركو بشكل قريب
يعني ما بعد شهر بدخل وبسأل
والمشكلة إنو عم بيطول الشخص عالكرسي
يعني لازم يكون إسبوع أو 10 أيام ما أكتر
أنا هادا رأيي حبيت قولو ..
إذا ما عجبكون تجاهلوه ما في مشكلة
براحتكون
منشوفكون
سلام

مساء الخير

اياد احكيلنا عن حالك اوقاتك شو بتعمل شو بتحب شو بتكره

شو موقفك من اللي عم يصير بمجتمعاتنا الشرقية (عأساس هه )

شو رأيك بالحب عالنت

و لسا كمان عندي

ازيكم يا شباب ويا بنااااات
مشتاااااااااقه للكل وكل عام وانتم بخير
برشح اياااادووووو يقعد على الكرسى وحابه اكون اول واحده اساله اسألتى السهله والبسيطه
اسمك
تاريخ ميلادك
هواياتاك
احلامك
وطموحاتك
المستقبيليه بعد تخرجك من الجامعه ان شاء الله
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سلامتك وربنا يكملك الشفااا
تحياتى للجميع

اياد انت معك حق هو الموضوع المفروض يكون كل اسبوع شخص واول ثلاث ايام بس يكون مفتوح للاعضاء ليحطوا مشارطتهم وبعدين بيتسكر وبيكون خاص للعضو اللي على الكرسي ليجاوب وبعد ماينتهي الاسبوع بيتغير العضو

لك ولي على قلبي .. خجلتوني ولو ههه
يا جماعة أنا لما قلت إني جاهز .. كنت عم إحكي إنو جاهز للشغل للمنتدى ههه
ع كل حال .. قعدنا وما بقا في مهرب ههه رح جاوب .. وشكرا كتييييير إلكون كلكون لإختياري
يتبع ...

Bashar كتب:: مساء الخير

اياد احكيلنا عن حالك اوقاتك شو بتعمل شو بتحب شو بتكره

شو موقفك من اللي عم يصير بمجتمعاتنا الشرقية (عأساس هه )

شو رأيك بالحب عالنت

و لسا كمان عندي

مسالورد بشارو الغالي

يا سيدي أنا إياد .. عمري 25 متخرج معهد معلوماتية ..
وهلأ باقيلي 4 مواد بتخرج هندسة معلوماتية وأنا بشتغل بجمعية سكنية والدي رئيسا يعني شغل تسلاية ما هالشغل
اللي بيتعّب
أيامي يا سيدي بقضيا بالزين كافيه هههه

يعني مع رفقاتي الشباب سهرات وطلعات وهيك .. يعني ما
بهدى أنا .. وبقعد كتير كتير بمقهى الزين عالمباريات وهيك .. إنو برتاح فيه كتير والكل صحابي .. وبحب بالصيف ضل طول
الوقت عالبحر .. يعني بسبح باليوم مرتن تلاتة حتى بالشتي أحانا مننزل عالبحر أو منروح عالمسبح الشتوي

الأركيلة رفيقة عمري أكيد

أنا كتير بحب الصراحة .. وحكيي مانو مثاليات .. بالعكس أنا
بصراحتي عم إتجنب كتير إحراجات ممكن واحد يوقع فيا
ممممم شو في كمان ؟

موقفي من مجتمعاتنا بأي مجال قصدك ؟

يعني سياسة مثلا أو مجتمعات أخلاقية أو ثقافية

يعني حددلي المجال اللي بتقصدو لإنو كل شي فينك تحكي عنو
للصبح
ومشان الحب عالنت . وارد كتير .. يعني انا برأيي إنو النت
بهيك حالة بيكون وسيلة تعارف ما أكتر
يعني متلو متل رحلة بتروحا , أو قعدة بمحل مع رفقات جدد
يعني المحصلة وسيلة تعارف .. طبعا في كتير نهايات لهيك قصص

غالبيتا بتكون الإنفصال من العلاقة

وفي كتير حالات بتنتهي بالإرتباط الفعلي

بصراحة أنا حبيت عالنت أكتر من مرة

أو بصراحة أكتر ... أكتر من عشر مرات ههه .. بس طبعا ما
بيكون حب لبعد ما يصير لقاء أكيد
حكيت كتير ما ؟

gomanaa كتب:: ازيكم يا شباب ويا بنااااات
مشتاااااااااقه للكل وكل عام وانتم بخير
برشح اياااادووووو يقعد على الكرسى وحابه اكون اول واحده اساله اسألتى السهله والبسيطه
اسمك
تاريخ ميلادك
هواياتاك
احلامك
وطموحاتك
المستقبيليه بعد تخرجك من الجامعه ان شاء الله
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سلامتك وربنا يكملك الشفااا
تحياتى للجميع

لك هلاااااااا بأحلى جوجو
وكل عام وإنتي بألف خير
اسمك : إياد

تاريخ ميلادك : 7/11/1984

هواياتاك: سباحة أو رياضة بشكل عام .. بتابع رياضة كتير كمان .. وبحب الطلعات والتسلاية مع رفقاتي .والأركيلة

احلامك: ممم كان حلمي قبل كام يوم إرتبط بالبنت اللي
بحبا .. بس ما بقا هادا حلمي ... أحلامي الكبيرة بحب إتركا لحالي .. بس أحلامي الصغيرة كتيرة . مثلا إنو إلتقى بأصالة وإقعد إحكي انا وياها وخبرا قديش بحبا ههه أنا شفتا عن بعيد مرتين بس عن قريب ما صرلي .. بلكي بسفرتي عالإمارات انشالله بيمشي الحال ههه
وطموحاتك: إنو ما كون شخص عادي .. يعني يكون إلي وجود بهالحياة .. وهادا اللي بلشت إشتغل عليه بما إنو عندي سفر قريب انشالله

المستقبيليه بعد تخرجك من الجامعه ان شاء الله : إذا الله راد أنا مسافر قريبا جدا . يعني قبل ما إتخرج من الجامعة .. وباعتبار انا جامعتي عالنت .. يعني أكيد هنك بكمل أنا وعم إشتغل ما بيأثر كلون 3 مواد ومشروع التخرج
وميرسي كتييييييييييير جوجو ع أسئلتك الحلوة متلك .. وتسلميلي يا مزوقة ما في منك
باي

مغتربة سورية كتب:: اياد انت معك حق هو الموضوع المفروض يكون كل اسبوع شخص واول ثلاث ايام بس يكون مفتوح للاعضاء ليحطوا مشارطتهم وبعدين بيتسكر وبيكون خاص للعضو اللي على الكرسي ليجاوب وبعد ماينتهي الاسبوع بيتغير العضو

هاااااي مغتربة
أنا بالنسبة إلي اليوم قعدت عالكرسي 13/12
يعني ب 21/12 رح قوم وما رح جاوب ع أسئلة ..
وأنا برأيي اللي بيكون عالكرسي هوة اللي لازم يختار مين بيقعد بعدو

شكرا اياد على الاجوبة المنطقية و الصريحة متل ما قلت عن حالك و فعلا اجوبة حلوة
انا اقترحت اقتراح و ما شفت تجاوب معو منشان هيك ما رح نقفل الموضوع مو مشكلة
مادام هيك قررتوا المهم التواصل و النشاط من الاعضاء الحلوين

و شكرا كتير الكون و ناطرين مشاركات بمواضيع تانية و ارجو ان لا تنحصر المشاركات بهذا
الموضوع فقط
اياد الله يوفقك بحياتك و بسفرك القادم و احلى شب و الله منورنا انت و كل الاعضاء

شكراً عأجوبتك أخ إياد

انا قصدت رأيك المختصر بكل ناحية يعني موقفك من كل النواحي

اقتصاد سياسة اجتماعياً ثقافياً سياسياً طبعاً أنا حكيي كمجتمع عربي يعني عرب مو بس سوريين

و بتمنى تتوسع بإجاباتك قد ما بدك خلينا نتناقش

و بتشكرك عصراحتك

لك نورت أخوي سامي ... وكلك زوق ما في منك
وشكرا ل زوقك والله يوفقك ويوفق الجميع يارب
حبيب قلبي

Bashar كتب:: شكراً عأجوبتك أخ إياد

انا قصدت رأيك المختصر بكل ناحية يعني موقفك من كل النواحي

اقتصاد سياسة اجتماعياً ثقافياً سياسياً طبعاً أنا حكيي كمجتمع عربي يعني عرب مو بس سوريين

و بتمنى تتوسع بإجاباتك قد ما بدك خلينا نتناقش

و بتشكرك عصراحتك

أهلا حبيب القلب
والله يا غالي إقتصاديا لوضع كتير منيح .. بس كلنا لازم نصبر عالوضع شوي لإنو شوي شوي عم يتحسن الوضع وعم يصير في شغل وعم تتحسن الأمور لولا الأزمة الإقتصادية اللي ما فينا نهرب منا أو نتفاداها
وسياسياً لولا سوريا كان الوضع أسوأ من هيك بكتير
يعني متل ما بتعرف الوضع العربي السياسي ما كتير تشد إيدك لإنو في دول عربية عم تحاول تضرب الأمن بدول عريبة تانية وبصراحة ومتل ما معروف السعودية كتير عم تلعب دور سلبي بهالنقطة وعم تحاول تخرب أمور ممكن كتير تكون إيجابية بالمنطقة أو بسوريا بالتحديد
شو الفكرة .. وشو الغاية ما بعرف بس بتمنى ما تكون طائفية لإنو سوريا بلد الطوائف وكل الطوائف عم تتضرر بهالممارسات الصبيانية
بالنسبة للوضع الإجتماعي .. يعني المجتمع طبقات أجتماعية متعددة
في مثقفين .. وهدون عم يكترو وعم يلعبو دور كتير حيوي كل لمصلحة بلدو وبيعرفو شو الصح وشو الغلط .. وهدون من اللي عندون قناعات وثوابت ما فينك تشتريا
وفي كمان مثقفين ممكن ينشرو وبتصير ثقافتون سلبية وبيلعبو دور كتير سيء لمصلحة بلدون
وفي كتير من الطبقة اللي منسميون بالعامية .. دراويش
هدون بحالون بيهمون يعيشو و ياكلو ويطعمو عيلون .. وهنة بحالون ما دخلون بشي
بس الطبقة الإجتماعية اللي أكتر شي مدايقتني
هنة هالشباب المراهقين اللي عم نشوفون بحياتنا اليومية اللي لاحقين الزعرنة والتحشيش والسكر والدخان . والمشاكل .. .. والمشكلة الأكبر بهدون إنو بيأثرو كتير عالمنطقة اللي بينوجدو فيا .. يعني مشاكل وزعرنة وتلطيش عالبنات ومن هالشغلات الكتيرة اللي ممكن يعملوا
طولت كتير بالشرح يمكن لا تواخذونا

منور اجمل و ا ظرف اياد اخى
الغااااااااالى كتيييير
وربنا يعينك ع الكرسى
عموما محضرالك شويه اساله بس مديه فرصه للجميع بالاول
وشكراااااااااااااا على اجوبتك الصريحه كتير
بالتوفيق اغلى ايادو

gomanaa كتب:: منور اجمل و ا ظرف اياد اخى
الغااااااااالى كتيييير
وربنا يعينك ع الكرسى
عموما محضرالك شويه اساله بس مديه فرصه للجميع بالاول
وشكراااااااااااااا على اجوبتك الصريحه كتير
بالتوفيق اغلى ايادو

لك نورك يا زووووووووق عيني ربك ما ألذّك
ومشان الكرسي ولا يهمك أنا قدا وقدود هه
وناطر أسئلتك يا عيوني جوجووووو
أحلى إخت والله .. شكرا ل مرورك يا زوق

ايه الحكايه ------الحركه نايمه فى المنتدى ؟ كرسى الأعتراف (تفضلوا) - صفحة 7 496295

مفيش حد بيسال ليه ؟
اياد \\\بتحب السفر ؟
واى دول سافرت فيها ؟
حتعمل ايه بعد تخرجك ؟
مواصفات فتاه الاحلام ؟
ماذا تعنى لك هذه الكلمات
غروب الشمس؟
بكاء الرجل ؟
الغباء؟
الفشل ؟
الانتهازيه؟
الكبرياء؟
الظلم ؟
اتظلمت ؟
اكثر موقف مؤثر فى حياتك ؟
من اقرب صديق اليك ؟ فى العائله او الجامعه او من المعارف مثلا ؟
ومن اقرب شخص اليك فى المنتدى ؟
تحب السهر والضحك والفرفشه وحياه تعيش فيها بطولها وعرضها ولا تحسب الوقت والعمر ؟
ام الزمن له مقياس وقيمه فى نظرك ؟

ما الذى تحب ان تفعله ولم تقدر ان تفعله فى الا24 سنه الماضيه ؟
وما طموحاتك خلال سنه 2009 ؟

ايه الحكايه ------الحركه نايمه فى المنتدى ؟
واللهي يا جوجو العالم ما عم تدخل

مفيش حد بيسال ليه ؟
يدخلو عالمنتدى أول شي ههه

اياد \\\بتحب السفر ؟
إي بحب السفر بس أنا بلا سورية وخصوصا اللادقية ما فيني عيش مع إنو رح سافر ع أبو ظبي إشتغل هنيك

واى دول سافرت فيها ؟
سافرت لبنان أكيد .. كتيير .. وسافرت تركيا

حتعمل ايه بعد تخرجك ؟
بإذن الله مسافر

مواصفات فتاه الاحلام ؟
هادا موضوع طويل , بس ما في شي إسمو مواصفات فتاة أحلام لإنو أنا بيهمني أكتر من الشكل .. مع إنو الشكل مهم ..بس بيهمني أكتر من هيك التفاصيل الصغيرة .. لحد هلا ما شفت هالشي غير ببنت وحدة هه يعني عندي مهمة صعبة ههه

ماذا تعنى لك هذه الكلمات

غروب الشمس؟
مع كل غروب شمس .. إشراقة نهار جديد

بكاء الرجل ؟
الصدق الحنية القلب الطيب وقوة الشخصية

الغباء؟
المرأة
أنا قصدي بشكل عام

الفشل ؟
فرصة لمحاولة جديدة

الانتهازيه؟
قلة الحيلة

الكبرياء؟
اللي عندو كبرياء بيعيش مرفوع الراس

الظلم ؟
أصعب إحساس .. خصوصي إذا إجا من حدا بتحبو

اتظلمت ؟
كتيييييييير .. بس يمكن بشغلات ما كتير مؤثرة
أنا لما بنظلم ما بحب دافع .. بدير ضهري وبمشي وبالنهاية ما بصح إلا الصحيح وبتبين الحقيقة مع الزمن

اكثر موقف مؤثر فى حياتك ؟
وفاة القائد الخالد حافظ الأسد

من اقرب صديق اليك ؟ فى العائله او الجامعه او من المعارف مثلا ؟

أنا والحمد لله عندي كتير أصدقاء بمعنى الأصدقاء بالبيت إمي أقرب شي إلي وخارج البيت في إلي كتير أصدقاء بس في تلات شباب وصبيتين هدون الأقرب

ومن اقرب شخص اليك فى المنتدى ؟

الكل حبايب قلبي وما في منكون بس أنا ما كان إلي الحظ إنو إتعامل أو إختلط مع حدا من المنتدى عن قرب أكتر بس جوجو إنتي بحسك كتير قريبة عالقلب وانشالله الغلا متبادل يعني كتير مريح التعامل معك ولطيف

تحب السهر والضحك والفرفشه وحياه تعيش فيها بطولها وعرضها ولا تحسب الوقت والعمر ؟
ام الزمن له مقياس وقيمه فى نظرك ؟

والله يا جوجو بحب التنين
يعني أنا كل يوم عندي طلعات وسهرات وضحك وشي جديد وحتى شي جنوني إذا بدك ههه وكتير بنبسط لما بكون مع رفقاتي
وبنفس الوقت بحاول إنتبه عالوقت وإستغل الفرص اللي ممكن تجيني بحياتي يعني ما في شي مطلق

مثلا أنا عايش عيشة هون باللادقية يمكن كتااااار بيحلمو يعيشوها والحمد لله .. وكل يوم أنا ورفقاتي وحياتي غير شكل بس بنفس الوقت لما إجتني السفرة وفرصة تطوير حياتي أكتر ما وقفت مع إنو رح بعد عن رفقاتي بس في مهم وفي أهم بالنهاية أنا راجع ل رفقاتي واللي بحبون وبيحبوني

ما الذى تحب ان تفعله ولم تقدر ان تفعله فى الا24 سنه الماضيه ؟

بصراحة ما في شي حبيت إعملو وما عملتو مع إنو نسبيا عمري صغير إسا حتى كون شفت كتير أشياء .. بس أنا ما بوقف كل يوم عندي شي جديد
يمكن باقي تأمين حياتي ومن بعدا بيجي الإرتباط بحب يكون هادا الشي يعني الحياة الزوجية اللي رح عيشها تكون كتير هنية وحلوة وما فيا كتير إزعاجات

وما طموحاتك خلال سنه 2009 ؟

طموحي زيد معلوماتي أكتر وأنا كل يوم عم إتعلم شغلات رائعة وجديدة
وياخد ريال مدريد الشامبيونز ليغ (ولو إنو ما واردة) 0

بحب يكون شغلي كتير منيح وكل الأمور تمام

وبتمنى الله يوفقني ويوفق كل العالم بحياتون يارب

شكرااااا جوجووووو الزوووووووووق ع أسئلتك الحلوة وبتمنى كون قدرت جاوب بالشكل المطلوب

كيفكون يا جماعة
حكينا من قبل إنو لازم كل شخص يضل عالكرسي إسبوع ما أكتر
وأنا كنت ع أساس إنو يوم الإثنين يعني مبارح إنو إنزل عن الكرسي
بس شفت أسئلة جوجو وحبيت رد عليا
وهلا أنا بنزل عن الكرسي وشكرا كتييييييير لأسئلتكون الحلوة
مع إنو حكينا إنو اللي بيكون عالكرسي بيختار اللي رح يقعد بعدو .. بس شفت ما حدا وافق عالحكي يعني ما حدا علّق عالموضوع لهيك ما رح إختار .. ورح إترك الفرصة للي بيحب إنو يقعد
وشكرا كتير انبسطت ب هالكرسي اللذيذة ... وكتير حلوة القعدة عليها ههه
شكرا لكل اللي سألوني وإذا حدا بيحب ينتقد أجوبتي أنا جاهز إسمع
شكرا وباااااي

شكرااااااا كتير اياد على اجوبتك
ونفسى فى اسئله من باقى الاعضاء يلا شباب -----صبايا بلشووووو
وفكره حلوة اياد اختار بعد ما تخلص شخص يقعد مكانك ويا ريت تقعد كمان يومين وولا ثلاثه ما شبعنا من الحكى معاك
وبالنسبه لتعليقى على اجوبتك
كتير حلوة وربنا يديك بنت الحلال اللى فى بالك
وانا مش بأيد السفر والغربه عن الاهل
لان الغربه كتير صعبه وبتخسرنا حجات كتير
ولو ضرورى حاول متطولش ف الغيبه وربنا معاك يا رب
وانا كمان برتاح للمعامله معاك لانك اخ غالى وربنا يديم المحبه والاخوة ونلتقى فى يوم من الايام هنا ف الاسكندريه او اللاذقيه بأمر الله
الله معك يا جميل

يخليلي ياكي جوجو الزووووق ما في منك والله

إخت غالية كتير بإذن الله

وشكرا ل حكيك الحلو .. ولهضامتك

انشالله منلتقى يارب وبيكون إلي الشرف أكيد

منور الكرسى يا جميل
يلا باقى الاعضاء بلشو ف الاسئله

مسا الخير

اعذروني كونو هلا وقت امتحانات و هيك شغلات بتجنن

أخ اياد

شو بيعنيلك الانتقام

عضو بتتمنى تشوفو اليوم

عضو بتتمنى تسمع اخبارو عطول

شو أكتر شي بيزعجك بالمنتدى اولاً وفي حياتك ثانياً

شو هو الغلط اللي بتندم عليه

لمين بتقول كلمة آسف

شو موقفك من قرار النجاح ستين (هاد سؤال يمكن غريب بس اسمك هندسة أكيد سمعت فيه ) حكيي بسوريا بس

شو رأيك بالحب عالنت

شو موقفك من اللي بيحب عالنت

و بالنهاية شو موقفك مني انا بشار

اياد الله يعطيك العافية و ما قصرت و مشكورة جهودك الحلوة بالمنتدى

انا اقترحت قفل الموضوع بس ما حدا وافق و منشان المدة انو اسبوع ما بغتقد يمشي الحال

على كل حال نحنا ناطرين اي عضو حابب يقعد اهلا و سهلا
و يعطيكون الف عافية

Bashar كتب:: مسا الخير

اعذروني كونو هلا وقت امتحانات و هيك شغلات بتجنن

أخ اياد

شو بيعنيلك الانتقام

عضو بتتمنى تشوفو اليوم

عضو بتتمنى تسمع اخبارو عطول

شو أكتر شي بيزعجك بالمنتدى اولاً وفي حياتك ثانياً

شو هو الغلط اللي بتندم عليه

لمين بتقول كلمة آسف

شو موقفك من قرار النجاح ستين (هاد سؤال يمكن غريب بس اسمك هندسة أكيد سمعت فيه ) حكيي بسوريا بس

شو رأيك بالحب عالنت

شو موقفك من اللي بيحب عالنت

و بالنهاية شو موقفك مني انا بشار

هلا بشارو والله يوفقك بامتحانك يارب

الإنتقام بمعنى الإنتقام ما بيعنيلي غير إنو بعتبرو قلة عقل

بس في مواقف الواحد ممكن يرد عليا بمواقف أقوى منا بس

ما بتعتبر انتقام بتعتبر رد موقف أو رد اعتبار هي أنا معا

بتمنى شوف الكل بس ولا مرة حطيت ببالي شوف حدا هههه

سوري ع الصراحة يعني

وأخبار الكل بتهمني لما بيكون في شي ما منيح لا سمح الله

صاير مع حدا بس بالحالة الطبيعية المهم أعرف إنون مناح بس

أكتر شي بيزعجني بالمنتدى هوة قلة الإهتمام من قبل

الأعضاء أولاً والإدارة ثانياُ واللي اهتماما أهم لإنو إذا كانت

مهتمة بيكونو الأعضاء مهتمين .. بصراحة بصراحة ما حدا

عم يدخل وكل واحد رح يحط ببالو هيك شي ورح يخفف

دخلاتو بالأخير ما بيضل حدا .. انشالله ما وصل انا لهالمرحلة كمان

في كتير شغلات بتزعجني بحياتي أكيد بس ما كل هالشي ..

فيني شغلة أنا .. بس عصّب بصير بكسر كل شي بيطلع قدامي

هه . وهي شغلة ما حلوة أو إذا بدك بشعة كتير وبتمنى

إتخلص منا .. مع العلم إنو ما بعصب بسهولة

وشو الغلط اللي بندم عليه . ما في شي إندم عليه الحمد الله

إلا إذا كنت من فترة مقصر دينياً شوي بس الحمد الله بطلت

كفر وصرت أقرب من قبل للدين

بقول آسف لأي شخص غلطت معو . ما عندي مشكلة .. بس

ما بقول آسف لبني آدم إذا ما غلطان معو لو ع قطع راسي

ومشان قرار الستين علامة .. الحمد الله أنا ما تطبق عليي ..

ولو تطبق كنت حملت مواد كتير ههه

بس بصراحة أنا بشوفو ما إلو معنى .. يمكن هنة مشان

يشجعو العالم أكتر عالدرس بس في ناس عندا ظروفا وفي

عالم بيهما تتخرج بغض النظر عن المعدّل

كان فينون يقدمو مزايا أكتر للي بيتخرج بمعدل عالي .. وهيك

اللي بيدرس كتير بيتكرم .. واللي ما بيهمو هالموضوع

بيتخرج عادي وبتضل فرصو أقل من غيرو

المحصلة إنو ما بأيد القرار

رأي بالحب عالنت إنو موجود وشي طبيعي وحقيقي ..

بس بتضل فرص نجاحو أقل باعتبار إنو نحنا عم نتعرف ع

عالم من مجتمعات تانية ومستويات مختلفة وطريقة تفكير

غير .. بقا في حال كل هالشغلات كان في اتفاق عليا وصار

اللقاء بتزيد فرص نجاح الموضوع طبعا حسب النوايا ..

وبعتقد إنو أول لقائين ممكن كتير يحددو اتجاه العلاقة ..

وبيصر النت بعد اللقاء مجرد وسيلة اتصال ما أكتر . وهوة

أصلا من الأول وسيلة تعارف بس عنا ما كتير بيقتنعو فيا إسا

وبيعتبروا شي شاذ عن القواعد والعادات والتقاليد تبعتنا

وموقفي من هالشي إنو بشجعو بس مع تحفظات من ناحية البنت

وموقفي منك إنت يا غالي إنك أخوي وحبيب قلبي .. ويسلمو

إيديك عالأسئلة الحلوة ... إنت شب كتير محترم واكابر

ومزوق .. وأنا إلي الشرف إني إتعرف عليك
شكرا كتير غالي

مرحبا جميعا كيفكم ليش المنتدى شكله غريب مافيني اشتغل عليه صوركم واسمائكم على اليسار والكلام على اليمن شي غريب

هلااااااااا بعد زماااان نسووووب صديقتنا ... عسى ما شر ...؟
اشتقنالك و اشتقنا لمشاركاتك الجميلة عسى المانع خير انشاء الله
و شكرا لكل الاعضاء الذين شاركو بالموضوع الحلو و يعطيكم الف عافية
كرسى الأعتراف (تفضلوا) - صفحة 7 299436