ارجوكم كتير شي مهم

انا ناردين من اللاذقية مغتربة صرلي سنة وخمس شهور
يايرلندا
عمري 24 سنة
وصورتي موجوده ههههههههههه
لا بمزح اكيد
انا بنت عادية
بس انا بشوف حالي مميزة
(رأي شخصي ههههه)
درست رسم في سوريا وحابة كفي اختصاصي
بحب اكتب شعر
بحب التصوير كتيررررررر
شغل البيت والطبخ شي اساسي عندي
وكل اسبوع بتعلم اكلات جديدة
لاني بمل بسرعة من الاكل
عندي مبدأ بحياتي مهم كتير بالنسبة الي
انو يكون عندي صديقة وحدة مخلصة احسن من 10
بحب اختار اصدقائي
ما بحب ناس تفرض علي صداقتها
وانا ما بخاف الا من الله
يعني احكي في الوجه
بس مو بجرح حدا
ما بحب خبي مشاعري
الحب والكره واضحة عندي
أحبك ...اكرهك
ما عندي حد وسط
يمكن هل الشغلة ما تعجب ناس
بس على القليلة انا صادقة مع نفسي وغيري
بلشت اشتغل وانا بعمر 16
طباعة على الكمبيوتر
لغاية خمس سنين
اشتغلت لاحتى تصير عندي شخصية مستقلة
انا كنت بخاف من الناس
الحمد لله اتغيرت كتير حتى صرت ناقش استاذتي في المعهد
يعني كنت ارجع من المدرسة وانزل على المكتب
ونزل كتابي معي
عندي شغلة مميزة فيني كتير انو من نظرة العيون
بعطي انطباع للشخص
متل ما بيقولو حاسه سادسة
ما تضحكو علي
العلم عند الله سبحانه
بس كل تخميناتي بتطلع صح ممكن عمري صغير نوعا ما بس عندي خبرة بالحياة
مريت بتجارب حلوة ومرررررررررررررررررررة كتير
خلتني اوعى على الدنيا بكير (بدري)كتير
بكره المجاملات والكلام الروتيني
بكره احكي متل كل الناس
بحب التميز الصح
مو من اجل التميز فقط


يمكن مليتو مني ومن حكي بس انا بيهمني انو تعرفو شو بداخلي
وياريت تحكو عنكون بشكل غير روتيني
غير تقليدي
سلام
وانشالله كون خفيفة ظل عليكون

انا اسمي دانا
حاليا في البيت عمري 24سنة
طيبة كتير وبثق بالناس
وما بعرف اخد قرار بحياتي
انا عن احكي عنجد
ممكن اهلي بيخافو علي وما بيخلوني اطلع من البيت لوحدي
وهلأ اما متل الضايعة

مرحبا للكل مغتربة افكارك حلوة على طول و نشاطك زايد هالكم يوم

انا كتير مبسوط منك و يا رب على طول هيك و تفيدينا بمواضيعك الحلوة

انا اسمي رامي مواليد اللاذقية عام 1970

متخرج ثانوية عامة عام 1978 من مدرسة شكري حكيم

ما كفيت دراسة بعدها سافرت على لبنان و بقيت هونيك تقريبا اربع سنين

و بعدين سافرت عالسعودية و بقيت كمان شي اربع سنين

و تزوجت ايام ما كنت بلبنان و حاليا عندي ولد و بنت

لما رجعت على سوريا اشتغلت بو كالة بحرية يعني شي بيتعلق بالبواخر

لأني لغتي جيدة و من صغري بحب اللغة و شاطر فيها

و كل العالم بتفكرني اني دارس انكليزي بالجامعة و ما بيصدقوا اني مجهود شخصي

المهم مستورة الحمد لله ساكن بحي السجن زوجتي موظفة و منتساعد على هالدنيا

و قت كنت بالسعودية صار معي مشاكل كتيييير و وقت رجعت على الوطن رجعت شخص تاني غير ياللي

كل العالم بتعرفوا حتى انا ما عارف حالي و متفاجيء بحالي و الكل هيك عم يقولوا

المهم بلا ما وجعلكون راسكون بمشاكلي

بحب السباحة بس ما عندي وقت اسبح

بحب الصراحة و العزف على كل الالات سماعي و ليس دراسة

بحب الافلام الاجنبية و السهر و النت و التعارف على اصدقاء جدد دائما

طولت عليكم ... ههههههه اخدت راحتي كتير ما هيك

و اول مرة بشترك بمنتدى و بتابع فيه يمكن لأنو صغيور و ما فيه عجقة كتير

و الاكيد لأنكم كلكم حلوين و مزوئين و عم استفيد من مواضيعكم الحلوة كتير متلكم

لا تواخذوني عالاطالة حسيت حالي بين خواتي و رفقاتي المقربين

و شكرا لطولة بالكم

و يسلمو عالفرصة الحلوة

شكرا لردودكم نانا و نسوووووب و لأهتمامكم

و النعم من هيك جيران و الله نانا و يا ريتكم ما انتقلتوا من جنبنا .....

نسسوووب متل ما قلت بمشاركتي اني وقتي ضيق كتير بس ما بقدر ما ادخل و شوف مواضيعكم الروعة

و بحاول شارك بقدر المستطاع و منشان اسم سامي ... عم اشتغل هاليومين اندر كوفر

اف يو نو وات اي مين .....سو !!!

انا جنى من اللاذقية
عمري 26 سنة
درست معهد تجاري
وهلأ بعلم طلاب في البيت
وبس
حياتي قرف ملل