رمضان على الأبواب أرجو من الجميع الدخول

السلام عليكم ورحمة الله وبركاته

كيف الحال والأحوال ان شاءالله تمام التمام

وكل عام وانتم بخير قبل الزحمة




المهم زي العاده احنا في شهر شعبان وقرب رمضان الله يبلغنا هدا الشهر المبارك بكامل الصحة والعافية

انا ما ابغى اتفلسف كتير لأني اصلا ما احب الفلسفة بس الي ابغى اقولو ان شهر رمضان شهر خطير للي يبغى يقرب من ربو يعني بصراحة الواحد تحصلو ولا الوحدة طبعا مو الكل تحصلو ما يجلس ع البوكس ولا الاب إلا جالس يسمع اغاني والهرجة هادي مدري عادة اش هيا ما ادري بس في رمضان صعبة شوية الواحد المفروض يرتب وقتو ويحط ساعة ولا ساعتين للقرأن والله ماهي كثير وبالنسبة لشباب يعني ممكن يقولك دوام ومش عارف ايش اوكي ما تقدر تحط ساعة ولا ساعتين انا اقولك طريقة كل مادخل وقت صلاة ولا أذن اذن روح للمسجد بدري واجلس بين الأذان والإقامة اقرا الي قدرت عليه وكدا صدقني لو ما ختمت القرأن بتكون برضو سويت انجاز ويعني أوصيكم ونفسي بتقوى الله وبس

وفي النهاية كل واحد وظروفو وطريقتو بس والله في رمضان فرصة انك تغير حياتك واسئل الله ان يهديني ويهديكم ويهدي جميع المسمين

وفي الختام تقبلو تحياتي ولا تنسوني من صالح الدعاء

كل عام وانتم بخير رمضان على الابواب

شكرا غونزاليس موضوع مفيد و انشاء الله نستفيد منو و رمضان كريم عالكل انشاء الله

:cheers: