مواقف وطرائف مع الشحاتين هههههههه

والله الشحاتين كترو قوى

ف القطار
ف الشوارع

قدام المستشفيااات
وقدام البنوك ههههههههههههههههه

والمساجد وامام العمارات والمساكن

وع البحر خنقوقنى

والواحد مش عارف المحتاج من اللى مش محتاج قبقيت اتعامل معاهم بجفاء شديد

والله الشحاته لابسه عبايه احلى من عباتى واشيك

مره واحده قابلتنى ولسه كنت قابضه مرتبى وخارجه من المدرسه فرحانه وطايره من الفرح

وببص ع كل المحلات والسوبر ماركات عشان افرتك المرتب بقى

اموت لو مخلصتش المرتب حالا من اول يومين بالشهر

المهم وقفتنى

ممكن انسه -
انا مش انسه نعم ؟
ممكن طلب
يا نعم خير ؟ --
وطبعا محدش ف الزمن ده عندنا ممكن يفق لحد ويكلمه كده ف الشارع
الدنيا مفيهاش امان والشنطه ملغمه بالفلوس

قالتلى
ممكن بس تسلفيلى 10 ج انا وطالعه من البيت اتسرقت وعايزة اوقف تاكسسسسسسسسس
عشان عايزة اوصل بيتى

رفعت حواجبى واستغربت وقلتلها انا مبركبش التاكس الا نادره
خدى بقى 1 ج عشان حيوصلك ابعد مكان فيكى يا اسكندريه

وهاجت وثارت فيا ااااا ايه محدش ف الزمن ده بيفكر ف حد ولا يحس بحد

وشغلت الحنفيه وبقت تعيط

وجريت لأقرب مواصله وقعدت فيها وحسيت انها حتلبسنى تهمه لان الناس اتلمو علينا وفكروا انها تقربلى

وقعد ف الباص لغايه ما اتملى ناااس وفضلت اراقبها من بعيد اصلى انا اروبه

المهم طولت عليكم

لمت ولا 90 ج ف الدقيقه وبنفس النغمه بتغنيها ع الناس

لا حول ولا قوة الا بالله معقول واحده بالشكل ده تستضعف الناس وكل واحد يطلعلها 10 تاكسى

ده انا بركب التاكسى ف المناسبات ولما بكون مريضه بس

او ظروف يعنى طارئه اوىىى ههههههه

وفضلت مقهوره ع الفلوس اللى لمتها وانا كمان ف الباص مقعدتش عشر دقايق

امال باقى اليوم حتكون لمت كااام بقى

ده اللى لمتو ف العشر دقايق ربع مرتبى
حسره عليكى يا جوجو وعلى نفسك 30 يوم شغل وقهر وعذاب وهوان

يالله الحمد لله ربنا يبارك ف القليل

لما كنا عايشين بالسعوديه
كل فتره كده نروح مشوار ولا نخرج صدفه ولا نروح الحرم الشريف
نقابل راجل جالس على كرسى المشلولين
ومراتو بتساعده وراه وتذقو
ولله يا محسنين لله
المهم المنظر فظيع ويقطع القلب لان الراجل تقريبا كله متجبس
وفضل الراجل متجبس من اول ما كنت ف المرحله الابتدائيه ف الصف السادس
لغايه ما خلص الصف الثالث المتوسط



وف الاخر يا دوب الشرطه حست بيهم
وجرجروهم على المخفر وبهدلوهم ف التحقيقات
وجا الظابط وجاب شاكوش وفضل يكر ف جسم الراجل ويكسر الجبس
وطلع زى الجن مفهوش اى حاجه وكل الجبس فيه روزم روزم فلوس وبلأساتك كمان