أكثر من 13 ألف اعتراض على المخطط التنظيمي لمدينة اللاذقية

الجهات المسؤولة: سوف
تدرس كافة الاعتراضات وسنرفع الظلم عن أي مواطن تجاوز عدد الاعتراضات على
المخطط التنظيمي الجديد لمدينة اللاذقية 13 ألف اعتراض من قبل المواطنين،
في وقت دافع المعنيون عن المخطط الجديد أمام الانتقادات تركزت بشكل خاص
على وضع مناطق السكن العشوائي والأضرار التي تقع على المواطن.

وقال رئيس دائرة التأهل والتدريب في بلدية اللاذقية كمال حمود في اجتماع
مجلس محافظة اللاذقية إن "هذا المخطط يتضمن التوجهات الرئيسية لمدينة
اللاذقية والإستراتيجية في تعزيز الدور السياحي وتأمين كافة الاحتياجات
الخدمية وإعادة النظر في بعض المواقع، واختيار مواقع إدارية وحكومية على
أطراف المدينة ومعالجة مناطق السكن العشوائي كالدعتور، بسنادا،
الزقزقانية، حي القدس، الأزهري، المروج".

وأضاف حمود أن المخطط "لحظ 8 مناطق توسع عمراني جديدة لتغطية النمو
السكاني الطبيعي لمدينة اللاذقية، لعشرين سنة جديدة منها خمسة لمرحلة
العشر سنوات الأولى، كما تضمن المخطط مناطق صناعية جديدة".

وساهم المخطط الجديد ,حسب حمود, في "إيجاد مناطق سياحية جديدة ودراسة
البارك الرئيسي من شارع الثورة – دوار عدن حتى حدود المحلق الشمالي بمساحة
900 هكتاراً تكون متنفساً للمدينة".

كما عرض حمود مقترحات الإستراتيجية العامة للمدينة كإعادة الواجهة البحرية
والحد من امتداد وتوسع المرفأ ووضع المخططات والبرامج للنقل التدريجي
للمرفأ واختيار بعض المواقع في المرفأ لاستثمارها على المدى القريب ،
تطوير وتحديث المخططات التنظيمية للتجمعات السكنية القائمة ، وإستراتيجية
المرور والنقل.

وبدأت دراسة تطوير المخطط التنظيمي لمدينة اللاذقية في عام 2001 وكان من
المفترض أن ينتهي المخطط في عام 2004، إلا أن العديد من الصعوبات التي
واجهت الدراسة وخاصة مناطق السكن العشوائي, مما أدى إلى تأخير المخطط
التنظيمي إلى شهر آب الماضي, حيث أعلن في البلدية منذ بضعة أيام لتبدأ
مرحلة تقديم الاعتراضات.

ويحقق المخطط الجديد توسعاً بزيادة ثلاثة آلاف هكتار على مساحة المدينة، لتصبح المساحة الجديدة للاذقية تنظيمياً حوالي 8 آلاف هكتار.

إلا أن المخطط واجه انتقادات من قبل أعضاء مجلس المحافظة بسبب "حجم الضرر
الكبير الذي سيلحقه المخطط الجديد بأهالي مدينة اللاذقية وخاصة في مناطق
السكن العشوائي".

وأشار أحد الأعضاء إلى أن "أهالي حي الدعتور على سبيل المثال أصيبوا
بالإحباط بسبب ما سمعوه من خطر يهددهم، فلن ينجو بيت من الضرر. فما المبرر
من إنشاء 23 حديقة و27 مدرسة وفي الحي أصلاً الآن سبع مدارس منها اثنتان
شاغرتان، وهناك خمس أتوسترادات في مساحة لا تتجاوز 2×3 كم فالمخطط الجديد
سينسف مئات الملايين بل المليارت صرفت على البنية التحتية".

ودعا عضو آخر إلى "عدم تحميل الناس مسؤولية المخالفات .. أنتم من سمح لهم
بالبناء والمخالفة، وهم كانوا مضطرين للبناء بهذا الشكل تحت ضغط الحاجة
والفقر في المناطق العشوائية".

من جهته قال رئيس مجلس مدينة اللاذقية المهندس بشار مغربي إن "الهدف من
عرض المخطط ومناقشته هو ألا يتعرض أحد للغبن, وهناك فترة لدراسة كافة
الاعتراضات من اللجنة الإقليمية بعدها سيتم إقرار المخطط من قبل مجلس
المحافظة ليرفع بعد ذلك لوزارة الإدارة المحلية للتصديق".

وأوضح أنه وفقا للمخطط الجديد "سيلغى مفهوم مركز المدينة كما في كل دول
العالم، وستوزع الفعاليات على مختلف أجزاء المدينة بحيث تكون متوازنة".

وحول مناطق المخالفات قال مغربي "وصلنا إلى طريقة لمعالجة مناطق المخالفات
حيث أن الكثير من الاعتراضات سوق تسقط لأنها ستلقى الحل المناسب، كما أن
الأراضي الزراعية التي دخلت في المخطط ستبقى بنفس الصفة وسيمنع البناء
عليها، وقررنا مع الفريق الدارس والمدقق أن نعدل بمنهاج الوجائب
والارتفاعات لحل الكثير من المشاكل".

وفي تصريح لـسيريانيوز قال عضو فريق التدقيق للمخطط التنظيمي الدكتور ماهر
لفاح إن "المخطط الحالي كأي مخطط تنظيمي أو تفصيلي في أي مدينة عربية أو
أجنبية لا يخلو من ملاحظات بحكم تباين وجهات النظر بين الدارس والإدارة
والمستفيد ( أي السكان )".

وأضاف أن "المرسوم (5) أتاح فرصة الاعتراض على المخطط التنظيمي وسوف تدرس
كافة الاعتراضات من قبل اللجنة الإقليمية ومعالجتها وفق الإمكانيات
المتاحة".

محافظ اللاذقية زاهد حاج موسى قال إن "المخطط ليس للإستملاك, ولم يأت لقضم
البيوت، ولن ينفذ حتى تدرس كافة الاعتراضات، أما البلديات التي دخلت ضمن
المخطط فستبقى كما هي وستحافظ على مخططاتها المصدقة"، ووعد برفع الظلم عن
أي مواطن

حلو يطلع بقا إلنا سنة ناطرينو

المخطط رح يحل أزمة كتير كبيرة للسكن

خصوصي إنو في أراضي رح تتوزع ل قطاع التعاون السكني

لهيك في كتير عالم رح تستفاد منو

وانشالله خير

ويسلمو رزان عالخبر المهم كتير

iyado كتب:: حلو يطلع بقا إلنا سنة ناطرينو

المخطط رح يحل أزمة كتير كبيرة للسكن

خصوصي إنو في أراضي رح تتوزع ل قطاع التعاون السكني

لهيك في كتير عالم رح تستفاد منو

وانشالله خير

ويسلمو رزان عالخبر المهم كتير

مرحبا اياد بدي اٍسألك عندك فكرة على الجمعيات السكنية ؟(شركة المتوسط)
ايمت التسليم ايمت رح يبلشو ؟
لانو انا بالغربة ماعم اسمع شي
أكثر من 13 ألف اعتراض على المخطط التنظيمي لمدينة اللاذقية 412403

أكثر من 13 ألف اعتراض على المخطط التنظيمي لمدينة اللاذقية 412403

شكرا كتير الك

هاي نارو .. كيفك ؟

بعرف بالجمعيات وأنا موظف بجمعية أبوي رئيسا

وكمان أبوي بالإتحاد السكني نائب رئيس الإتحاد وأخوي موظف هنيك

بقا شو ما بدك سأليني وأنا بشفلك

بس ما بعتقد إنو في جمعية إسما شركة المتوسط

ما سمعت فيا

إذا متأكدة إنو في هيك جمعية مشان إسألك عنا وشو وضعا

بس بشكل عام ناطرين ل يطلع المخطط مشان تتوزع الأراضي عالإتحاد السكني .. وبعدين يوزعا عالجمعيات

يا أما إذا الجمعية اللي عم تحكي عنا .. اشترت من القطاع الخاص .. بهالحالة المفروض ما يطولو

بس في أراضي عليا مشاكل يعني الأراضي اللي بيشتروا من القطاع الخاص

وإذا في شي بدك تسأليه أنا جاهز

شكرا كتير الك يمكن اسمها الساحل المتوسط ههههههه هيك شي سجلت فيها من شي سنة تقريبا ومافي كتير اخبار
على حكيون قال الدولة عطتون الارض ؟؟من كذا شهر
طيب ليش ما بلشو فيها ؟
مابعرف

شكرا كتييييييييييييييييييييييير الك

لاااااااااااا مستحيل نارو

ما حدا عطا حدا شي

أنا بعرف كل التفاصيل

إلو أكتر من عشر سنين ما توزعت أراضي

هلا ناطرين ل يخلص المخطط

يمكن هنة مشتريين من القطاع الخاص

أو ناطرين حتى تطلع الأراضي تبعيت الدولة

اليوم إذا تذكرت بسألك عن الموضوع

ساحل متوسط .. حيالله شي المهم كلمة مفتاحية ههه

لك لا اسمها اتحاد الساحل هلأ اتاكدت مابعرف اذا خاص
كل واحد بيقلي شكل شكرا كتير الك ولمعلوماتك المفيدة عنجد انبسطتت منك كتير

مرحبا ايادو ..........

شفلنا شي جمعية منيحة نشترك فيها لكن ....

و يا ريت تعمل موضوع عن الجمعيات و نظامهم لأنك خبير بهالموضوع متل ما فهمت

لأنو في عالم كتير ما بتعرف بهالموضوع ..... متلي انا

و شكرا الك على اهتمامك و تواصلك الدائم

سامي الغالي .. بأمر عيونك .. بس هيك موضوع بدو يكون نقاش .. يعني متل هلا إنتو بتسألو شي وأنا بجاوب وإذا شي ما

بعرفو بسأل وبجيب الجواب .. ومشان الجمعيات .. انا برأيي تلحق حالك .. لإنو ع أساس عن قريب تطلع الأراضي ..

نحنا بجمعيتنا مسكرين باب التسجيل لإنو في عدد كبير عنا

لازم تشوف شي جمعية ما فيا عدد كبير .. مشان تلحق دور قريب

أنا برأيي تروح عالإتحاد السكني وتسأل

وأنا أخوي هنيك إذا بدك بعطه خبر إمت بدك تمر .. وهوة بيساعدك وبيشرحلك وبيقلك وين أحسلك تسجل لإنو هوة بيعرف كل
الجمعيات

أنا جاهز وبأمر عيونك إيمت ما بدك حبيب القلب

shokran kteer

يا ريت انو المخطط التنظيمي الجديد يكون منتبه على التوسع العامودي ومش الافقي لانو بطل في اراضي باللاذقية للعمار
وفي اماكن بتجنن للعمار ومش مسموح فيها اكتر من خمسة ادوار ؟
للعلم فقط انو بمدن تانية عربية مش اوربا عجمان مثلا ممنوع اي رخصة لبناية سكنية جديدة تحت العشرين طابق ؟
انا مسجل بجمعية اسمها النضال ياريت اذا حدا بيعرف عنها شي يخبرني

Nardeen كتب:: لك لا اسمها اتحاد الساحل هلأ اتاكدت مابعرف اذا خاص
كل واحد بيقلي شكل شكرا كتير الك ولمعلوماتك المفيدة عنجد انبسطتت منك كتير

ايادو ما تنسيني امانة

نارووووو سوري والله كنت نسيان ههه
بلكي إذا ذكرت بكرا بقلك فورا

نارو سألتلك عنا .. ما في هيك إسم
في عروسة الساحل وفي الساحل
تأكدي إينو وحدة
التنين منعرفون
بس تأكدي من إسم الجمعية ..
تطلعي بدفتر العضوية تبعك .. تبع الجمعية
أوكي .. ؟ ناطر الإسم

iyado كتب:: نارو سألتلك عنا .. ما في هيك إسم
في عروسة الساحل وفي الساحل
تأكدي إينو وحدة
التنين منعرفون
بس تأكدي من إسم الجمعية ..
تطلعي بدفتر العضوية تبعك .. تبع الجمعية
أوكي .. ؟ ناطر الإسم

طلع اسمها الساحل انا اتاكدت من ماما
ياريت تعرفلي كل التفاصيل
اذا استلمو الارض وايمت بدون يبلشو وهيك تفاصيل كتير بتهمني وماعم اعرف
وايمت الاستلام
واذا فيني ادفع مبلغ اكبر بتسلم قبل
[center] شكرا كتير الك وللأهتمامك

انا كتير مبسوطة انو صار في اهتمام بموضوعي هيك

أكثر من 13 ألف اعتراض على المخطط التنظيمي لمدينة اللاذقية 889792

إي نارو
إنتي منتسبة سكن وللا اصطياف
إذا سكن ما في شي
لإنو سألتلك عنون .. وما مشتريين أرض من القطاع الخاص
وطبعا أراضي من الإتحاد السكني إسا ما توزعت ل يخلص المخطط
يعني ما في شي أبدا
هلأ رح إحكيلك شوي كيف بتصير الإجراءات
أول شي إنتي لازم تضلي كل شهر تدفعي لو شو ما كان
لما بتضلي 6 شهور ما بتدفعي .. بيحقلون يفصلوكي من الجمعية
وبيضلو مصاريكي ع جنب
لحتى تسحبيون
بقا أنا برأيي كل شهرين تلاتة دفعي عن هالشهور اللي ما دفعتي عنا عن طريق شي حدا هون
هلأ لما بيصير في أراضي بيعملو دراسة للمشروع
بيشوفو كام بناية بيطلع وكل بناية كام شقة
بعدين حسب رقم الأفضلية بيصير الإنتساب والإكتتاب
فرضنا رقمك بالجمعية 30 يعني رقم أفضليتك .. هادا غير رقم الإكتتاب اللي بيكون مسجل عالدفتر
المهم
إذا كان رقم أفضليتك 30
وتوزعت الأراضي وعملو الدراسة
وطلع المشروع بيستوعب 29 شقة
ما بيطلعلك شي بالمشروع
بيصير رقم أفضليتك 1
يعني بتكوني أول وحدة بالمشروع اللي بعدو
طبعا إذا طلع بيستوعب المشروع 40 مثلا
بيكون دورك ب الإنتساب عالمشروع
هلا شو بيصير بعدين
إنتي أول شي مفروض مدفوعاتك تكون مقبولة .. لإنو هادا بيكون أريحلك.. أي شي بتدفعيه بيروح من طريقك
وبالنهاية بأي يوم بتحبي تنسحبي من الجمعية . مصاريكي بترجعلك متل ما هية .. بيروح منا نفقات إدارية ما بتطلع شي 300 ليرة بالسنة
المهم
لما رح يجي دورك
بيبعتولك دعوة للإكتتاب عالمشروع مشان تكملي دفعاتك
غالبا بهالمرحلة هي لازم تكملي مدفوعاتك عال 150 ألف مشان تكتتبي ب هالمشروع
ممكن أكتر شوي يكون . ما بيهم
بعدا بفترة .. بعد ما بيبلشو يشتغلو بالمشروع وبتكون البناية اللي إنتي فيا رح تطلع
بيبعتولك دعوة للتخصص بالشقة تبعيتك
وهون لازم تكملي دفعاتك .. غالبا لل 300 ألف
هلا هوة بيبين من أول ما يستلمو الأرض .. شو الدفعات وبيقلولك عليا
بعدا بفترة بيصيرو بيطالبوكي بدفعات بقا
شوي شوي لحتى تكملي كل شي عليكي وتستلمي الشقة
طبعا فينك تسحبي عالبنك
يعني قبل ما تكملي حق الشقة
بتسحبي عالبنك
بقا البنك بيدفع للجمعية .. وإنتي بتصيري بتقسطي للبنك .. هادا أريحلك
لإنو قسوطة البنك كتيييييير خفيفة ما إلا معنى
بس المهم الدفعات الأولية
أوكي نارو
بتمنى كون شرحتلك منيح عن هالموضوع
وإذا في استفسار أنا جاهز
ومشان جمعية الساحل .. بكرا رح إتأكدلك من كل شي أوكي
باي

رزانوووو . أكيد رح نشارك كلنا بالموضوع لإنو موضوع مهم

ومشكورة عالموضوع أكيد وع مشاركاتك المهمة

بتمنى نشوفك معنا أكتر . مشان نتشرف فيكي

شكرا إلك

الشرح ممتاز انا سكن ما اصطياف وانا اهلي بيدفعولي كل شهر بشهرو 2000
وما تأخرت ولا يوم
الحمد لله
بس بدي أسالك اديه حق البيت بشكل عام ؟ لهلأ ما بعرف
أكثر من 13 ألف اعتراض على المخطط التنظيمي لمدينة اللاذقية 410483

أكثر من 13 ألف اعتراض على المخطط التنظيمي لمدينة اللاذقية 410483

بس اكيد رخيص
طيب فينا تقرب رقمي ؟؟
انا رقمي بعيد كتير
الله يعطيك العافية
عنجد انا مبسوطة كتير بهل المعلومات

شكرا

ولووو تكرم عيونك
مشان التقريب .. هادا الشي ما بعرفو .. يعني إذا تبعون الجمعية بيعملو هيك بقا بيصير هيك شي
مثلا نحنا بجمعيتنا .. الوالد ما بيقرب دور ل بني آدم .. صرلي شي 8 سنين مسجل ما قربلي دوري ههه
قلا دوري صار قريب لإنو راحو اللي قبلي
بس ع كل حال إذا بدك رح شفلك هيك موضوع
وشفلك شو بياخدو ع هالشغلة
صرنا عم نشتغل بالممنوع ههه
بس خلي أهلك بما إنو عم يدفعو أول بأول .. يسألو عطول ويحاولو يشوفو تبع الجمعية إذا بيساعدون
أوكيتو
إذا صار معي شي بردلك خبر
بايو
وكتير منيح إنو عرفت إشرح
هه

انا أهلي ما بيعرفو بهيك شغلات حتى لو سألو ما بيقنعوني
المهم 8 سنين انت مسجل وما مبين ضو ههههههههههههههههههه أكثر من 13 ألف اعتراض على المخطط التنظيمي لمدينة اللاذقية 410483

لك شو هل الخبرية ههههههه أكثر من 13 ألف اعتراض على المخطط التنظيمي لمدينة اللاذقية 410483

هن قالولي بعد 5سنين فينا نسكن بالبيت و15 لحتى يطوب أكثر من 13 ألف اعتراض على المخطط التنظيمي لمدينة اللاذقية 496295

بس سعر البيت لهلأ ماعرفت هههه أكثر من 13 ألف اعتراض على المخطط التنظيمي لمدينة اللاذقية 965695

الله يستر ما يكون بدنا نقضي العمر كلو
أكثر من 13 ألف اعتراض على المخطط التنظيمي لمدينة اللاذقية 38694

أكثر من 13 ألف اعتراض على المخطط التنظيمي لمدينة اللاذقية 96776

ههههههههههههه
نارو .. بس تطلع الأرض . .بيصير بقا الموضوع شغل الجمعية
نحنا بجمعيتنا بس يكون في أرض . بعد سنة ونص أو سنتين بالكتيييييييير بيتسلم البيت
ومشان المبلغ
أكيد رح يكون أقل من أي طريقة ممكن يصير عندك بيت فيا
بس حسب سعر الأرض وتجهيز البيت
يعني إذا بدك ياه فاضي يعني بلا بياضات وبلاط وهالحركات هي
هيك بيكون أقل
إذا بدك ياه كامل .. بيكون أكتر
أوكي ؟
ليكي اليوم قلت ل أبوي مشانك
قلي جبلي إسما ورقم العضوية وأنا بشفلك شو أفضليتا الحقيقية وبوصي فيا
بقا إذا بدك أنا جاهز
يلا سلام هه

تسلم يارب عنجد كفو انت
الله يعطيك العافية
أكثر من 13 ألف اعتراض على المخطط التنظيمي لمدينة اللاذقية 412403

لك ولوووو من عيوني