كل سنة و انتو بخير 2009

اليوم 01/01/2009 سنة جديدة انشاء الله بتكون سنة خير على سوريا و كل البلاد العربية و على اللاذقية

و على جميع اعضاء و زوار منتدانا الرائع و الحلو كتييير

يوم راس السنة كان بررد كتيير و لدرجة انو انا لاحظت انو نزل ندفات من التلج باللاذقية ..انو خفيف كتير و يمكن خمس دقايق بس

بس انو نزل التلج عنااااااااااااااااا و طبعا بلشت المفرقعات تطلق و ما عرفنا ننام لوقت

متاخر من الليل و كل سنة عم ينزل مفرقعااات اقوى من السنة القبلها .... يعني ما بقلكم شو هالسنة قوية ..الاصوات

يعني متل القنابل و اقوى و وقتها تذكرت اهل فلسطين اخواننا بقطاع غزة و هنن تحت قصف الصواريخ و المتفجرات

و نحنا هون عم نفرقع .....اي عم نفرقع مفرقعاااات .. شوفو التناقض .. نحنا وين و هنن وين ؟؟

المهم حبيت انقل لكم هذه الصورة عن احتفالات ليلة راس السنة باللاذقية و مشتاقلكم كتييير
و انشاء الله بتتحقق كل احلامكم بالسنة الجديدة و كل عام و انتو بالف خير