كرسى الأعتراف (تفضلوا)

shimo كتب:

لى محدش سألنى

و لا يهمك يا شيمو الامورة بس انزل عن الكرسي رح اهريكي اسئلة

و رح شوف اذا بتقدري تردي و لا لأ ...

يلا حضري حالك بعدي انشاء الله

مشي يا حلو " />

سلام كبير مني الك

شكرا ناردين على اسئلتك المهضومة
بسم الله

اكتر شارع بحبو هو كورنيش البطرني و امتدادو يعني لعند شركة الكهرباء

و هيدا لأني انا تربيت هونيك و كان بيتنا بهديك الحارة قبل ما يهدوها و يعملو توسيع المرفأ

و كان بيت عربي حلو كتير و فيه جنينة متوسطة البيت و فيه من جميع انواع الورود و الازهار

و نبات الزينة و شجرة مشمش و اكدنيا و رمان يعني قعدة ولا اروع الله يسامحون هدوه ...

بالنسبة للجوامع : و الله كلون مريحين و بحس فيهم شعور بالراحة بجد بس حاليا بروح على جامع

عمر بن الخطاب رضي الله عنه

كافي نت : اكيد البلانت على طول هووووون

مطعم : سومر و اسبيرو .

انشاء الله كون توفقت باجاباتي عليكي ناروو و شكرا لأهتمامك

جوجو حرااااااااام عليكي كل هالاسئلة و صعبة كتير .....

طيب و لا يهمك رح حاول جاوب على اسئلتك

بسم الله

س1 . اكتر لحظه بتحس فيها انك ضعيف؟؟
ج1. في كتير لحظات بحس حالي ضعيف متل مثلا وقت بتمعن و بفكر بخلق الكون و الارض و الفضاء
..وقت بيكون عندي ازمة مالية و البيت محتاج طلبات و ما بقدر عليها ..كمان البيروقراطية و الروتين بالدوائر ....وقت حدا بيسألني هيك اسئلة .....

س2. و اكتر لحظه بتحس انك قوى جدا
ج2. انا قوي على طووول جوجو ههههه يعني فينك تقولي عكس السؤال الأول ...تقريبا

س3.قولنا اكتر حاجه ندمان عليها فى حياتك ايه؟؟
ج3. اكتر شي بندم عليه انو درست كل هالسنين و ما استفدت من دراستي
اللهم الا اللغة استفدت منها بشغلي و بس و الباقي راح ببلاش من عمري ..و هيدا من تخلف نظام التعليم عندنا مثلا هالسنة ياللي جايب مجموع 190 أو 180 ما بيدخل جامعة ...مو حراااااام ...؟؟؟

س4.ايه هى احلامك و امنتياتك الخاصه و العامه؟؟؟
ج4. احلامي الخاصة انو اولادي يصيروا احسن الناس و يتعلموا و يستفيدوا من دراستهم و يكون مستقبلهم مضمون و سعيد و نعيش مع بعض براحة و امان...و كمان حابب نزورك بالاسكندرية و خليهم يتعرفوا على شيمو و ضياء ..يخليلك ياهن جوجو...
احلامي العامة تصير بلدنا من احسن بلدان العالم نضافة و رقي و ينتهي الروتين و المحسوبيات و البروقراطية و يكون عندنا وعي و خوف على البلد و عدم الهدر و يتحقق السلام بين كل العالم ..

س5.امتي حسيت انك اتظلمت في حاجه معينه او اتظلمت من حد؟
وامتى ظلمت
ج5. اممممم اتظلمت .....؟ اكتر من مرة ...بس اكتر شي وقت سافرت السعودية تعبوني كتير هونيك ..

س6.مين اكتر واحد بتحبه في السايت
ومين اكتر واحد بتكرهه في السايت ؟؟؟
ج6. قصدك بالسايت هون يعني المنتدى ؟؟ اذا كان هيك و الله ما شفت منكون غير كل حب و خير و افادة و صداقة كلكون مزوئين و اكابر و منشان هيك انا لسه معكم ...

س7.وايه الجديد اللى نفسك يتعمل فى المنتدى
ج7. الجديد ؟؟ ما شاء الله عليكم انتي و نارو ما تاركين حدا بنفسو شي الا و عاملينو الله يعطيكم العافية انتو و كل الاعضاء الحلوين و كل مالو المنتدى للأحلى و مشكورييين ...

ج8. هواياتي : النت و السباحة و شغلي و مشاهدة التلفزيون افلام اجنبي و اخبار ...

س9.مين اكتر حد بتحب تحكيله لما يبقى عندك مشكله
ج9. وقت عندي مشكلة غالبا ما بحكي لحدا بحاول حلها لوحدي ....الشكوى لغير الله مذلة

س10.دموعك بتنزل بسرعه!!!قددام اى حد يعنى
ولو مش قددام اى حد
مين اكتر حد مبتحبش انه يشوف دموعك؟
ج10. متل ما حكيت من قبل انا ما من النوع ياللي بيبكي الا في حالات نادرة جدا و ما بحب حدا ابدا يشوف دموعي

ج11. اي بعرف اطبخ كم طبخة بحكم غربتي من قبل بس هلأ ما بحب قرب بالمرررررة عالمطبخ
و اذا قربت و اتدخلت بالطبخة مرتي بتطلعني بره و ما بتحب اشتغل معهاااا .... احسن


س12. بتعاكس البنات ازى ؟؟؟؟
ج12. و الله نسيت يا جوجو من زمااااااااااااااااااااااان ما عاكست ..و خصوصا اذا كنت لوحدي ماشي
بخجل كتيييييييير ..يمكن ما تصدقوا بس هي الحقيقة ...كنت من زمان ايام الشباب عاكست شوي
بس ما حبيت هالشغلة و متل ما قلت بخجل ..

س13.متى تشعر بأنك وحيد فى هذا العالم
و ماذا يعنى البحر بالنسبة لك
ج13. اكتر الحيان بحس بالوحدة عدا وقت بكون مشغول بعملي و وقت بكون مع الاولاد ....
البحر ..بيعني لي ....بيذكرني بقدرة الخالق و بحس فيه بالهيبة و القوة ..و بيذكرني انو مرة كنت رح اغرق فيه ....الله ستر

س14.كان شعورك ايه لما ابوك قفشك مع البنت اللى بتحبها
ج14. الوالد رحمه الله ما قفشني لأنو كان اكتر الوقات مسافر ايام شبابي بس الوالدة قفشتني اكتر من مرة و كان الامر عادي و عرفتها على البنت و تابعنا مشوارنااااااااااااا

اففففففففففف جوجووووو كل هالاسئلة و لسه نص الفترة ؟؟؟؟ حراااااااااااام مظلوم يا بيه ..

اذا حدى عندو اي اسئلة يقولها بسرعة او حدا ياخد محلي عالكرسي ...شو قلتو ا ؟؟

شكرا لأهتمامكم و انشاء الله كون جاوبت على كل شي منيح و حابب اعرف شو علامتي جوجو ؟؟