كرسى الأعتراف (تفضلوا)

بحب كل اللي بالمنتدى

سؤال محرج انو حدد شخص رح اكتفي بالقول انو الكل غالي علي

هواياتي كومبيوتر ونت .

امممممممممممم انا مشاكلي قليلة بس وقت يصير بحكي لأخت غالية علي بس مو أختي اللي معنا بالبيت

تعوا فسرولي هالمعادلة !!

و اللي بعيط قدامو عراحتي هي البنت اللي بحبا هي الوحيدة اللي بحس حالي فيي احكي براحتي معها بلا ما احسب حساب اي كلمة قولها

بحس حالي وحيد لما اللي بكون عم اعمل شي لصالح شخص معين و هالشخص مو معبرني

و البحر بيعنيلي كتير أول شي اللون الأزرق هاد لحالو الو معنى بحياتي

و تاني شي الكبر و السعة وانو قد ما نرمي فيه بيبقى محافظ علونو و عطاؤو

و بيعني شغلات أكبر من هيك كمان بس بيكفي حكي لهون

و متل ما قلت بحي احكي لأخت عرفتا وما بعرفا (صعبة هالمعادلة مو )؟؟؟

و كمان للبنت اللي بحبا !
مشان الهوايات قلتلكم اياد انو الكومبيوتر وملحقاتو

و المطرب المفضل بيمشي الحال مطربة مو ؟؟

اليسا وبس

و إذا بدك مطرب فهو فارس كرم

الفيلم بالعربي اسمو

موعدي مع ابنة الرئيس

MY Date Whith The Presedent Daughter

كمان اسئلة ناطر انا

اممممممممممم والله ما بعرف وين الغموض جومانة قلولي وين الغموض بوضحلكم كلشي و لو انا بشار الصريح

يمكن مبارح تخربطتت بالأجوبة لأني انا و عم رد اجاني تلفون من تنين زعران قال بدن يحرموا امي مني !!!

حاولت ما اتأثر بس يبدو طلع التأثير بالغموض بالأجوبة

دعواتكم شباب وصبايا الموقع

حكيت مع الدعم الفني طلبوا مني انزل اليوم عفرع الأمن باللاذقية مشان هيك شغلة

دعواتكم شباب

يلا سلام

بس رح ابقى عتواصل معكم دائماً

وانتو لا تحرموني من اسئلتكم

و شكراً كتير انكم سمعتولي عنجد شكراً هيك الواحد بيرتاح بس يحكي

Bashar كتب:

اممممممممممم والله ما بعرف وين الغموض جومانة قلولي وين الغموض بوضحلكم كلشي و لو انا بشار الصريح

يمكن مبارح تخربطتت بالأجوبة لأني انا و عم رد اجاني تلفون من تنين زعران قال بدن يحرموا امي مني !!!

حاولت ما اتأثر بس يبدو طلع التأثير بالغموض بالأجوبة

دعواتكم شباب وصبايا الموقع

حكيت مع الدعم الفني طلبوا مني انزل اليوم عفرع الأمن باللاذقية مشان هيك شغلة

دعواتكم شباب

يلا سلام

بس رح ابقى عتواصل معكم دائماً

وانتو لا تحرموني من اسئلتكم

و شكراً كتير انكم سمعتولي عنجد شكراً هيك الواحد بيرتاح بس يحكي

يالله يا بشار والله قلقت عليك
الله يسهل امرك
وانت روق ولا يهمك

شكراً ناردين واياد عموقفكم معي وان شاء الله بقدر ردلكم ياه

والله هاد اللي صار يا اياد

واليوم قدمتالشكوى وهلا الوضع مراقب

و اخدو عناوينن للشباب

و ان شاء الله خير

ناردين ما تخافي علي انا بعجبك طالما مو عامل شي ومو غلطان معناها كلو اوكي وما في شي بيدعو للقلق

بشااااااااااااار
والله انا بعيده منك بس قلبى معك وربنا يفك كربك يا رب

ببعتلك اميلى ونكون على تواصل دايما الله معك
ولا ابعتلى اميلك ف رساله خاصه
منتظراك

شكراً لمواقفكم أحلى عيلة والله

اياد بتشكر موقفك معي يا غالي

الأمور لحد هلا تمام و الشباب ما بعرفن منيح بس هني من الشام

كمان لا حدا يقلق الحمد لله الأمور تحت السيطرة و القصة قربت تخلص على حكي جماعة الاتصالات الخليوية عنا

شكراً الكم من جديد

يلا شباب صبايا انا ناطر كمان اسئلة

بحب طمنكم كلشي عندي اوكي وانحلت المشكلة الحمد لله

هلا بشااااااار
ماذا تعنى لك تلك الكلمات
الغدر
الظلم
الظلمه
الضعف


الصديق
الوفاااء


سفرت خارج سوريااااا
ما منهجك ف الحياه
بيكفى كده وبكره بنبلش اسئله تانيه
يلا تحياتى ليك بشااار وربنا يوفقك

اهلا اياد و اهلين بكل الأعضاء

لك تعوا تعوا اسألوا كمان لسا أسئلة

رح جاوب عن أسئلتك جومانة بانتظار المزيد :

الغدر : ما بعرف اوصف هالكلمة بس فعل مكروه كتير .

الظلم بيعنيلي كتير شغلات يمكن خاصة لهيك بفضل ما احكيا معليش اسمحولي .

الظلمة هي هو الواقع اللي عم نعيشو !!

الضعف بيعنيلي انكسار و موت بالنهاية !

الصديق هي كلمة كبيرة كتير و صعب تلاقي انسان يبقى صادق معك يعني عطول حياتي 22 سنة صار في مشاكل كتير بيني وبين أغلب رفقاتي و ما عندي رفقات قديمين كتير يمكن الغلط فيي كمان يعني ما عم برر لحالي بس بيبقى الغلط قائم و الصداقة ما بتفقد معناها لغلط بين تنين

الوفاء ضروري مع انو قليل بهالأيام بس عندي شي مقدس والله يقدرني كون مع الناس متل ما هني معي

إذا سافرت برا سوريا منهجي اني طور حالي باختصاصي و بتمنى اني اختص شبكات عالمستقبل واشتغل فيها منيح

يلا ناطر كمان اسئلة

هلا مغتربة

لسا ما سألتي

رح جاوب أكتر أكلة بحبا هي التبولة المعمولة عأصولها مو بس بفيق من النوم بطير بس شوفها هههههههه لا تضحكوا هه

نام وين ما كان لاء أكيد إلا بظروف قاهرة

و كمان حتى وقتانجبر عالنوم برا البيت ما برتاح

بتذكر نمت بحلب تلات ايام بتوقع ما غمضوا عيوني فين تلات ساعات

اهلا وسهلا منورين يا جماعة

إذا في حدا بيحب يرشح حالو يتفضل

شكراً لموقفك سامي كلك ذوق و الحمد لله انحل كلشي

مشان أسئلتك :
وقت دق قلبي أول مرة كان عمري 19 و من بعدا كان 21 و هلا 22

أنا ما كتير بآمن بشغلة الحبيب الأول لأنو يمكن يجي عن شعور سريع مو ناضج و بالنسبة الي ما صارحت الحبيب الأول و لا التاني بس الحبيب الحالي مصارحو و واضح معو و الله يتمم على خير

الفساد ما بينوصف بكلمة و كلمتين بس باختصار هو دمار للوسط المنتشر فيه و معالجتو بتبدا بكل واحد فينا

فكل واحد يعالج نفسو قبل غيرو و هيك يمكن نتخلص من هالظاهرة

الوحدة العربية ضحكتني سامي والله

هاد حلم ابليس بالجنة يعني كيف رح تصير وحدة و العرب قسم عم يتقتل بفلسطين و العراق و قسم عم يشرب خمر مع الأمريكان و الاسرائيلية !!!

بتوقع الوحدة كانت حلم و رح تبقى حلم

من ناحية انو غزة و ما غزة انا ما كتير بتابع سياسة بس اجمالاً ما فيي شوف هامناظر عندن لا كهربا و لا اي شي من مقومات الحياة الأساسية

بالباص لقلك مرة كنت طالع بباص المشفى الوطني انا و رفيقي و كان زحمة هي من بعد الباصات الجديدة و اجوا صبيتين بعرفن معي بالجامعة و قمنا و قلنالن يقعدوا بتعرف شو جاوبوا ؟؟؟؟؟؟؟ قال لا خليكم مرتاحين و بنفسية !! لهيك أنا عندي مساواة و من ناحية كبار العمر أكيد هني الأحق بالقعدة اما صبايا لالالالالالالالالالا

و مشانك مجرم حنون انا بتمنى بس شوي وقتي مضغوط هلا